180度全海景，到這刻方發覺維港真係好繁忙。
呢一刻嘅香港人，冇嘢多，大假一定係最多，冇得去旅行，剩返啲大假如何處理係一大課題，我自己選擇咗灣仔君悅hea返日叉個電，佢個escape 24住宿優惠實在吸引(包早晚兩餐，兼住足廿四小時)，房間很骨子，浴室同客房全無遮檔，就算浸浴一樣可以坐擁無敵維港景，亦可開枝酒坐喺窗邊，悠閒地欣賞黃昏，是很爽皮的一件事。
客房足40平方米，寬敞舒適。
聽人講，不chok就不是Staycation。
記住拉起窗簾浸浴。
晚餐有三個選擇，意大利餐廳Grissini、Grand Hyatt Steakhouse及中菜港灣壹號，作為牛魔王的我當然係鋸扒，頭盤有煙三文、蟹餅、沙律，而主⻆美國西冷足八安士，而且生熟度一流，不過因為疫情關係，六點後不能堂食而改為room service，食物溫度難免有所不足，屬於可接受範圍。
晚餐：美國西冷。
美國西冷足八安士，而且生熟度一流。
晚餐：頭盤有煙三文及蟹餅。
晚餐：甜品有cheese cake。
早餐喺Grand Cafe以自助形式供應，為咗疏導人流分開三個時段，食物款式多得不能盡錄，連一碗雲吞麵亦絕不馬虎，麵質頗有水準。肚滿腸肥後，回房再嘆兩杯咖啡，望下海景，電視開住NHK聽住日文，呢一刻我當自己喺日本了。
君悅酒店│灣仔港灣道1號│Escape 24住宿優惠精選美饌 (兩位)$2,080起(視乎房型)
早餐食物款式多得不能盡錄
早餐：吃腸仔炒蛋係指定動作。
早餐的雲吞麵意料之外好吃。