海鮮丼喺香港極受歡迎，而專賣海鮮丼餐廳總有一間喺左近，要脫穎而出當然要扭下橋，西環呢間夢の丼，首創將OMAKASE(廚師發辦)嘅元素放入海鮮丼，即是每一款海鮮，廚師先作調味，例如火炙、醬油漬、汁煮、醃製、牛油燒等，加上自家製調味後顏色呈深啡色狀態嘅新潟米，一上枱可以直接放入口，完全毋須用wasabi&醬油調味再撈嚟撈去，每一啖都極似食緊OMAKASE，美味しいです！
原板北海道海膽丼 $468 ＊每日限定10 個！請預先訂購！
‧原板北海道海膽丼 $468─視覺上充滿仙氣兼超IGable嘅海膽丼，用上北海道馬糞海膽，再配三文魚子、拖羅蓉、自家製海膽醬甜蝦蓉等，港女至愛。
‧海皇丼 $388─虎蝦鮑魚海膽甜蝦蓉帆立貝三文魚子蟹膏豆腐......咁多海鮮全部經OMAKASE處理，當中以虎蝦鮑魚蟹膏豆腐味道最令我驚喜。
海皇丼 $388
火炙明太子芝士 三文魚丼 $148
阿波尾雞丼 $168
‧火炙明太子芝士三文魚丼$148─丼飯鋪滿芝士&明太子，火炙完更有拉絲效果。
‧阿波尾雞丼 $168─德島縣人氣地雞，香港算少見，肉質有嚼勁雞味濃，必試！
夢の丼│西環皇后大道西513－519 號尼斯花園地舖│香港大學港鐵站C2 出口│2523 2800
赤醋飯