食日本嘢，清酒絕對係不可或缺，但面對水蛇春咁長嘅酒list真係無從入手，而家去和幸食鐵板燒就唔使煩，駐場唎酒師Randy Au挑選咗幾款清酒，配合日本總廚泊谷真樹炮製嘅時令風味小食，輕輕鬆鬆就可感受到pairing嘅樂趣。
1.鐵板廣島蠔╳一代彌山$78+680/枝─來自廣島縣嘅一代彌山，以專用米同水為原料，加上獨自開發碳酸充填技術，酒質清澈更有香檳般細緻氣泡，配上以胡椒、鹽、甜醬油作調味兼煎至外脆內軟嘅廣島蠔，入口味道不得了，氣泡同礦物係絕佳配搭。
2.原條青森魚鮮╳紀土山田錦純米大吟釀$185─和歌山代表平和酒造，以華麗香氣作為基礎，配上紀土優質水源，清酒味道甜潤柔和，同青森縣直送魚鮮就最夾，魚皮金黃香脆魚肉軟腍多汁，一口酒一口魚，果香米香魚香大爆發，味覺彷彿去咗第個世界。
3.日本大熱GIN酒 $88(300ml)─潮流興飲gin，和幸特別推介幾款俾大家趕趕潮流，個人推介Lobstar Premium 同埋 ROKU，前者龍蝦味後者柚子皮味，非常有趣；喜歡重口味的話，櫻尾係一個好選擇。
和幸創作鐵板居酒屋│灣仔摩理臣山道23號南洋酒店2樓│3460 4498