「麗的映聲」全名為Rediffusion Television，為全球華人地區之首間電視台。
「等我變身先、我覺得呢個人相當有嫌疑、即刻轉身射個三分波呀、雞蛋六隻、糖呢兩茶匙、仲有啲橙皮㖭……電視節目有好多種，不過唔係個個都啱小朋友自己收睇……」
「麗的映聲」及後於1973年改為免費及彩色廣播，更名為「麗的電視」。
電視節目真係有好多種？雖然現時三個免費電視台頻道較過往數倍之多，但彷彿本地製作於播放時數上在下降當中。喺科技通訊進步嘅衝擊之下，過往電視台嘅主導權威，唔單止失去觀眾與及廣告市場，亦失去領導者角色。
全球華人地區首間電視台
具質素嘅創作嘅節目係生存之道，香港之「亞洲電視」前身「麗的映聲」，曾為全球華人地區首間電視台，時為1957年，只提供黑白並以有線模式播放。而於1962年颱風溫黛襲港，電視台隨即舉辦籌款義演，社會作用得以發揮。而1966年藝員訓練班嘅開設，電視人才亦邁向專業及系統化培育。及至翌年「電視廣播有限公司」啟播，「麗的映聲」於1973年改為免費及彩色廣播，更名為「麗的電視」，作為對「無綫電視」嘅對撼。
人才輩出的電影年代
當時兩間電視台亦以光學三原色「紅綠藍」作為標誌，在有競爭才有進步之下，自家製作劇集與時事節目不斷增加，同時觀眾與及廣告客戶，以至其廣告定價亦同樣倍增，尤其黃金時段必然是新鮮製作，來滿足本地大眾觀眾。資訊與娛樂嘅免費提供，電視劇中之主題曲亦帶動唱片業成長，雙雙自然成為市民茶餘飯後嘅城中話題。
於七、八十年代，不論歌唱大賽、選美節目，都係有心人踏進娛樂圈嘅渠道。電視台有如娛樂圈少林寺，作為通往樂壇與影壇之青雲階梯；歌影視三棲藝人屢見不鮮，甚至從事編劇、導演、燈光師等幕後工作，亦於七、八十年代人才輩出，共同建立出一份屬於香港人嘅齊心前進、積極拼搏嘅樂觀精神。
但可惜近年劇集嘅場景與現實有所落差，同一時間大量法律與及醫療元素劇集，又或勾心鬥角宮廷鬥爭劇，失去一分香港核心價值自強不息嘅味道，失去地氣就會失去共鳴感覺，觀眾自然流失。
「無綫電視」正名為「電視廣播有限公司」，其電視機中三原色商標正好代表彩色廣播時代開始。
善用媒體第四權
電視台唔單止製作電視劇集，亦權當觀眾與國際與及本地社會接觸之渠道，功能上唔單止娛樂、仲有教育與及反映社會脈搏，唔係又點會被受政府嚴格嘅監管。與此同時，電視節目亦可以探討民生及政治等相關項目，甚至作為行政、立法及司法之外監察政府的The Fourth Estate「第四權」制衡力量。而電視台應與其他平台不同，新聞採訪與報道不應帶有立場，將News變為Views，而八十年代之新聞從業者，得到社會尊重正因其客觀報道。
從來電視製作需要一份遠見和堅持，平台若不善用與一般製作公司無別。免費廣播代表著提供免費資訊，掌握著資訊的控制，亦即是掌握著社會某程度上的變遷步伐和方向。所以當電視台對時事的報道未能採取中立以及失實之時，正係時代終結之開始。「俾多啲指導佢哋，一齊分享睇電視嘅樂趣」，公信力——傳媒之最為重要標記！