加咗洋葱！先至係正宗黯然銷魂飯，叉燒雞蛋白飯豬油豉油洋蔥五大元素缺一不可。
叉燒飯加隻蛋搭多兩條菜，堪稱全港最受歡迎之一嘅碟頭飯，我真係由細食到大，究竟我食過幾多碟？食咗幾多次？根本數不清，一碟平民到極嘅飯，由96年電影食神周星馳定名《黯然銷魂飯》將佢發揚光大，自始坊間爭相仿效，各自推出不同版本嘅黯然銷魂飯，但質素頗為參差，只有六國酒店粵軒馬師傅嘅還原度最高，甚至可以講係香港No1，因為用料非常講究，主角叉燒所用嘅，係約8至9吋長新鮮脢頭，雞蛋煎至半生熟燶邊，飯用純泰國青靈芝香米，加入燒豬油撈勻，重中之重係有薛家燕食完飯流淚嘅洋蔥，「係洋葱，加咗洋葱！」仲要係澳洲紫洋蔥，黯然分量恰到好處，加上香港頤和園御品精裝醬油，連豉油都用到最好，難怪每年都大賣。「黯然銷魂飯3.0」套餐今年秋冬又回來，想感受一下家燕姐食完流淚嘅滋味的話要趁早，期間限定賣晒就完。
叉燒用靚脢頭燒到燶邊，入口鬆化，件件厚切，堅掂。
一支頤和園御品精裝醬油賣近二百大洋。
每位套餐$388 (兩位起)，只接受預訂及堂食，只限晚市不設外賣
六國酒店粵軒│香港灣仔告士打道七十二號六國酒店一樓│2866 3806
$388有餸有湯有飯有茶仲有甜品，其實頗抵食。
左)野菌扒白鱈魚球 右)陳皮椒絲蝦球