官喜海鮮一望便見
海鮮明碼實價
每逢休漁期結束後，海鮮癮會自然發作，我亦會自然地走去北角碼頭「官喜海鮮」買海鮮。作為沙田友，為何會千里迢迢去到北角？除咗海鮮優質之外，佢最擅長幫客人即時處理海鮮，一般喺街市買魚蝦蟹要求劏埋的話，可謂相當求其，又腥又濕又臭返到屋企仲要洗餐懵。而幫襯官喜，只要說明你想點食，例如條星斑我想起件，海中蝦我想起肉，老闆就會超細心咁幫你，將星斑頭腩&魚片切好，中蝦去頭起殼開埋邊，全部洗乾淨逐份連冰粒包好，仲企理過高級超市City濕爬，如打邊爐的話，一拎返去可以即刻開動，「海鮮懶人包」啱晒我呢種懶洗又怕麻煩嘅人，加上官喜明碼實價，寫明一條魚二百蚊就二百蚊，不似得某啲海鮮檔，冇寫明價錢，至於屬平屬貴就見仁見智。
已處理好的海鮮
次次都蒸魚，好悶㗎嘛，官喜劏好的星斑，一於來個兩吃，白汁星斑片──先將斑片用鹽及黑椒調味，隔水蒸數分鐘，然後層層疊好再淋上白汁即成；焗星斑頭腩──斑頭腩用香草、黑椒及鹽調味，淋上橄欖油用二百度焗十分鐘即成。
白汁星斑片
焗星斑頭腩
劏好的星斑
橄欖油用慢火爆香蒜片辣椒，先落蝦頭炒數分鐘，再落蝦身爆炒至熟，再落鹽調味，蝦頭蝦身都爆晒膏，做法愈簡單愈能吃出蝦本身鮮味。
官喜海鮮│北角碼頭23號舖│9064 0400
蒜片炒中蝦
中蝦與鮑魚非常乾淨