午市 市場鮮魚飯$80
喺灣仔區返工超過十年，食親晏都好頭痕，呢一小時生活圈不外乎係茶記快餐店粉麵麥記飲茶，冇啖好食，唔想等位逼餐懵仲要分秒必爭早少少落樓，每日1:00都懷疑人生……
午市 自家製煙肉荷包蛋飯 $80
午市 美國牛肉粒奄列飯 $60
非常OUTDATE嘅我最近先發現喺灣仔道有間寧靜嘅法式小館le monde d’ ulysse，午市專賣精緻碟頭飯，大廚夏先生曾旅居法國，將法國飲食文化完全融入港式碟頭飯當中，無論食材，賣相極之高質，吃過嘅同事們個個讚好，喺灣仔食個常餐都要五十幾嘅今日，le monde d’ ulysse碟頭飯只賣六十至八十蚊(免加一)，價錢非常相宜，所以最近我食咗三次晏，嚟緊嘅日子仲會繼續食，因為我想用八十蚊搵番我嘅味蕾，同埋用一小時嚟搵番我自己。
市場鮮魚飯$80：大廚朝朝去街市買魚，當日出現嘅係三鬚，煎得香入口魚味濃，飯粒口感分明，魚飯菜層層叠，相機食先！
自家製煙肉荷包蛋飯 $80：豬+蛋，碟頭飯最常見配搭，夏先生有本領將佢變到很Fine，冇濃濃嘅汁去攪局，每一口味道都很實在！
鳥結冰膏 $50：喜歡食鳥結糖嘅朋友，呢個甜品不容錯過，保證食到你變腰果眼。
烤平原雞：其實晚市我都食咗兩次，$550起跳(五道菜)，頭盤烤芝士&煙熏鵝肝十分精彩，主菜我個人推介燒羊柳或烤雞，冇得輸的。
le monde d’ ulysse│灣仔灣仔道199號天輝中心18樓│37021400
甜品鳥結冰膏 (Nougat Glace)
晚市供應的烤平原雞 (Roast Whole Chicken)