以前我食西餐有個定律，首選牛羊次選豬魚，雞？必定敬陪末席，因為粵菜嘅豉油雞炸子雞實在太好食，一般西餐難望其項背，不過我呢個定律，終於被neighborhood嘅david打破。
呢隻Salt Baked Chicken($880須預訂)，選用本地平原雞，油脂分布極佳，皮帶金黄，用鹽焗方法可保留雞味，侍應席前扑開鹹香四溢，等相機先食後，拎入廚房斬件，再加雞雜、羊肚菌、白汁、香草煮成一個飯，來個大變身上枱，非常吸睛，再豪氣刨上黑松露，鐵鍋嘅熱力令兩種菇菌散發出迷人嘅香氣，而雞肉入口味濃結實，羊肚菌同雞肉味道絲絲入扣，飯底亦堅守崗位負責吸收以上所有精華，每一啖飯都極多變化，鹽香、雞油香、菇菌香各司其職輪住衝擊味蕾，完全將鹽焗雞飯推向另一個Level，呢個飯食成世都願。
Neighborhood│中環蘇豪荷李活道61-63號地舖│2617 0891