蒸條椅食

以前去食海鮮，一定要蒸條椅食，仲一定要食海斑，不過近年養斑當道，加上年紀開始大，食魚嘅口味都轉變中，而家我去親鴨脷洲珠記，都問珍姐今日有咩家常魚食。最近趁休漁期前去咗一趟，見到個筲箕放住幾條靚青根，二話不說來個蒸鹹鮮，青根係方頭魚家族之一，即係馬頭啲friend，好多人都成日撈亂(包括我)，只要細心睇佢魚背有青色兼兩頰帶紅就會分辯到，食法可以煎、炸或者蒸鹹鮮，我個人比較喜歡蒸鹹鮮，入口感受到結實嘅肉質，清鮮兼魚味濃，價錢經濟實惠，一般養斑真係同我行X開，家常魚萬歲！同場加映：當日仲見到非常少見嘅野生海蝦「蝦頭」，蝦身比赤米大隻，肉質偏腍，不及赤米&九蝦嘅爽彈，但係蝦肉超甜頭又多膏，蝦味勁重，友人們大呼好吃。珍姐，休漁期後再見！

珠記│鴨脷洲洪聖街8號鴨脷洲市政大廈1樓