東京拉麵店多如繁星，當中極具人氣嘅，銀座篝かがり必定穩佔一席，憑住一碗雞白湯拉麵極速竄紅，連續兩年獲得東京米芝蓮推薦，門口長長人龍，起碼排成粒鐘，不過只要試過就知值得，銀座篝嘅雞湯底色澤微微偏黄，稍稍杰身，飲一啖你會覺得有一百隻雞喺湯裡頭，雞味爆晒燈，又濃又香但唔涸喉，好飲到停唔到口，估唔到雞湯可以去到呢個層次；而每碗都有幾片雞肉，嫩滑唔嚡口，冇多餘調味卻隱隱滲出久違嘅雞味；麵條由三河屋提供，幼身但吸湯力強勁，配上幾款季節嘅蔬菜，成件事非常完美，影相放IG勁吸睛，難怪咁多日本囡囡排隊食，我決定以後去東京都會食一碗。
銀座篝 Echika fit 銀座店
地址：東京都中央區銀座 4-1-2 Echika fit 銀座(丸ノ內線「銀座駅」C2 出口旁)
間舖得幾個位，想食就要等。
相機食先是常識吧，不過影完相湯面立即凝結成一層膠質。